அனுஷம் நட்சத்திரம் வாழ்க்கை பொதுப்பலன் | Anusham Natchathiram Palangal in Tamil

வணக்கம் உங்களை அங்கதம் ஆரா வலைத்தளதிற்கு  அன்புடன் வரவேற்கிறேன்.  இந்தப் பதிவுல அனுஷம் நட்சத்திரத்தில் (Anusham / Anuradha) பிறந்த உங்களுக்கான குணாதிசயங்கள், எதிர்கால வாழ்க்கை, அதிர்ஷ்ட யோக பலன்கள் மற்றும் பரிகாரங்கள்  போன்றவற்றை பார்க்க போகிறோம்.

அனுஷம் நட்சத்திரத்தின் அமைப்பும் புராணக் கதையும்

பால்வெளிப் பாதையில், குடை (umbrella) அல்லது வில்வளைவு (bow) போன்ற வடிவத்தில் அமைந்த நட்சத்திரம்தான் இந்த அனுஷம் நட்சத்திரம். இந்த வடிவம் அழகான, பாதுகாப்புத் தரும் வடிவம் ஆகும்.

இந்த நட்சத்திரத்தின் அதிதேவதை மித்திரன் (Mitra) அனுஷம் நட்சத்திரத்தின்  சூரியனின் ஒரு வடிவம், நட்பு மற்றும் உடன்பாட்டுக் கடவுள். அனுஷம் நட்சத்திரத்தின் அதிபதி (கிரக அதிபதி) சனி பகவான் (Shani / Saturn). இதன் அனுஷம் நட்சத்திரத்தின் விருட்சம் (புனித மரம்) மகிழ மரம் (Magizham / Indian medlar – Mimusops elengi). அனுஷம் நட்சத்திரத்தின் நான்கு பாதங்களும் விருச்சிக ராசியில் (Viruchigam / Scorpio) வரும்.

"அனுஷத்தில் பிறந்தால் அதிர்ஷ்டம்" என்று ஒரு பழமொழி இருக்கிறது நாம் பலர் சொல்லி கேள்வி பட்டு இருப்போம். ஆன்மீகத்தில் ஈடுபாடும், தெய்வ பக்தியும் இவர்களுக்கு இயல்பாகவே இருக்கும். காஞ்சி மகா பெரியவர் (Sri Chandrasekharendra Saraswati Swamigal) அவதரித்த பெருமைக்குரிய நட்சத்திரம் இந்த அனுஷமாகும். அந்த ஞானத்தின் ஒரு துளியே இந்த நட்சத்திரத்தில் பிறந்தவர்களுக்கு உண்டு.

அனுஷம் நட்சத்திரத்தின் குணாதிசயங்கள் – இயல்பு

அனுஷம் நட்சத்திரத்தில் பிறந்த நீங்கள் எப்போதும் சுறுசுறுப்பாகவும், எந்த ஒரு காரியத்தையும் மிகவும் நேர்த்தியாகவும் (neatly) செய்யக்கூடியவர்களாக இருப்பீர்கள். உங்கள் வேலைகளில் ஒரு சுத்தமான தன்மை தெரியும்.

சனி பகவானின் ஆதிக்கம் பெற்றவர்கள் என்பதால், உங்களுக்கு இயற்கையாகவே உழைக்கும் குணம், பொறுமை, மற்றும் விடாமுயற்சி அதிகமாக இருக்கும். எவ்வளவு கஷ்டங்கள் வந்தாலும், அதைத் தாங்கிக்கொள்ளும் மனவலிமை (mental strength) உங்களுக்கு உண்டு. சனியின் காலத்தில் நொறுங்கி ஒரு முளையில் முடிங்கி போவர்கள் சிலர்; ஆனால் நீங்கள் பாறையாக நிற்பீர்கள்.

விருச்சிக ராசியில் (Scorpio) வருவதால், உங்கள் மனதில் நினைப்பதை அவ்வளவு எளிதில் வெளியே சொல்ல மாட்டீர்கள். ரகசியங்களைப் பாதுகாப்பதில் உங்களுக்கு நிகர் நீங்களே. "சொல்லாமல் இருப்பதும் ஒரு கலை" என்பதை நீங்கள் நன்கு அறிவீர்கள்.

எப்போதும் உண்மையாக நடக்க விரும்புவீர்கள். யாராவது உங்களுக்குத் துரோகம் செய்தால், அதை வாழ்நாள் முழுவதும் மறக்க மாட்டீர்கள். காயத்தை ஆழமாகப் பதித்துவிட்டால், மன்னிப்பது கடினம்.

வெளியூர் மற்றும் வெளிநாடு செல்வதில் அதிக ஆர்வம் காட்டுவீர்கள். பலருக்கும் வழிகாட்டியாக இருப்பீர்கள். உங்கள் அனுபவங்களையும், பொறுமையையும் வைத்து, குழம்பியவர்களுக்கு நல்வழி காட்டுவீர்கள்.

மற்றவர்களை எளிதில் நம்ப மாட்டீர்கள்  உங்களுக்கு ஒரு தடவை ஏமாற்றம் கிடைத்துவிட்டால், மறுபடியும் எளிதில் நெருங்க மாட்டீர்கள். ஆனால், ஒருமுறை ஒருத்தறை நம்பிவிட்டால், அவர்களுக்காக எதையும் செய்வீர்கள். உங்கள் நண்பர்கள் சிலரே; ஆனால் அந்தச் சிலருக்காகப் உங்கள் முழு உழைப்பையும் கொடுப்பீர்கள்.

உங்களுக்கு தெய்வ பக்தி மிக அதிகம். ஆன்மீக காரியங்களிலும், தர்ம காரியங்களிலும் ஈடுபாட்டுடன் செயல்படுவீர்கள். கோவிலுக்குச் செல்வது, விரதம் இருப்பது, மந்திரம் ஜெபிப்பது உங்கள் வழக்கம்.

சில நேரங்களில் முன்கோபமும், பிடிவாத குணமும் உங்களிடம் வெளிப்படும். ஆனால், அது பெரும்பாலும் நியாயமான விஷயங்களுக்காகவே இருக்கும். "இது தப்பு, இதைச் செய்ய மாட்டேன்" என்று நின்று விடுவீர்கள்.

அனுஷம் நட்சத்திரத்தின் வாழ்க்கை மற்றும் திசா பலன்கள் (Dasha Periods)

இப்போது உங்கள் வாழ்க்கையின் வெவ்வேறு கட்டங்களில் வரும் திசாக்களைப் பார்க்கலாம். உங்கள் ஜாதகத்தில் சனி, புதன், கேது, சுக்கிரன், சூரியன், சந்திரன் ஆகிய கிரகங்களின் நிலையைப் பொறுத்து பலன்கள் மாறும். இந்த பலன் தோராய பலன் உங்கள் நட்சத்திர பாகத்தை பொருத்து வயது வரம்பு மாறுபடும்.

சனி திசை (குழந்தைப் பருவம்): நீங்கள் பிறக்கும் போதே சனி திசையில் பிறந்திருப்பீர்கள். இது உங்கள் குழந்தைப் பருவத்தில் (தோராயமாக 0 முதல் 19 வயது வரை  சனி திசை காலம் 19 வருடங்கள்) நடக்கும். சனி பகவான் உங்கள் ஜாதகத்தில் நல்ல நிலையில் இருந்தால், உங்கள் குழந்தை பருவம் சீராகவும், எவ்வித பெரிய உடல்நலக் குறைபாடும் இன்றி ஆரோக்கியமாகவும் கழியும். சிறு வயதிலேயே பொறுப்புணர்வு அதிகமாக இருக்கும்.

புதன் திசை [பள்ளி மற்றும் கல்லூரிப் பருவம்]: அடுத்து புதன் திசை வரும். இது 17 வருட காலம் (தோராயமாக 19 முதல் 36 வயது வரை) நடக்கும். நீங்கள் பள்ளியிலும் கல்லூரியிலும் படிக்கும் காலம். புதன் பகவான் (Mercury) நல்ல நிலையில் இருந்தால், கல்வியில் சிறந்து விளங்குவீர்கள். கணிதம், அறிவியல் மற்றும் தொழில்நுட்பத் துறைகளில் நல்ல ஈடுபாடும், ஆர்வமும் இருக்கும். உங்கள் அறிவாற்றல் இந்தக் காலத்தில் பூக்கும்.

கேது திசை [இளமைப் பருவத்தில் ஆன்மிகம் (36–43)]: கேது திசை 7 வருட காலம் (தோராயமாக 36 முதல் 43 வயது வரை) நடக்கும். இது உங்கள் இளமைப் பருவம். இந்தக் காலகட்டத்தில் ஆன்மீக சிந்தனை அதிகரிக்கும். கல்வியிலும், தொழில் தொடங்குவதிலும் சில சிறுசிறு தடைகள் வந்தாலும், உங்களின் விடாமுயற்சியால் அவற்றை வெற்றிகரமாகக் கடந்து வருவீர்கள். கேது உங்களை உள்நோக்கிப் பயணிக்க வைக்கும்.

சுக்கிர திசை [வாழ்வின் முக்கியக் கட்டம் (43–63)]: அடுத்து உங்களுக்கு சுக்கிர திசை வரும். இது 20 வருஷ காலம் (தோராயமாக 43 முதல் 63 வயது வரை) நடைபெறும். இது உங்கள் வாழ்க்கையின் மிக முக்கியமான காலகட்டம். நல்ல வேலைவாய்ப்பு, திருமணம், மற்றும் சொந்த வீடு, வாகனம் வாங்கும் யோகம் ஆகியவை இந்தக் காலகட்டத்தில் நடைபெறும். சுக்கிரன் (Venus) பலமாக இருந்தால், பொருளாதாரத்தில் பெரிய உச்சத்தை தொடுவீர்கள். உங்கள் உழைப்பின் பலனை உச்சத்தில் அனுபவிப்பீர்கள். வாழ்க்கைத் துணையுடன் இனிமையான காலம்.

சூரிய திசை [அதிகாரத்தில் உயர்வு (63–69)]: அடுத்து சூரிய திசை வரும். இது 6 வருஷ காலம் (தோராயமாக 63 முதல் 69 வயது வரை) நடக்கும். இந்தக் காலகட்டத்தில் உங்களுக்கு அரசாங்க ஆதரவு, உத்தியோகத்தில் நல்ல பதவி உயர்வு மற்றும் சமூகத்தில் பெரிய அந்தஸ்தும் கௌரவமும் கிடைக்கும். செய்யும் தொழிலில் நல்ல பெயர் கிடைக்கும். உங்கள் பொறுமைக்கும், விடாமுயற்சிக்கும் சமூகம் மரியாதை செலுத்தும்.

சந்திர திசை [ஓய்வுக் காலத்தில் மனநிம்மதி (69–79)]: உங்களுடைய ஓய்வுக் காலத்தில் சந்திர திசை 10 வருஷ காலம் நடைபெறும். சந்திர பகவான் (Moon) நல்ல அமைப்பில் இருந்தால், முதுமைக் காலத்தில் மன நிம்மதியுடனும், எந்த ஒரு குறையும் இல்லாமல், குடும்பத்தினரின் அரவணைப்போடு சந்தோஷமாக வாழ்க்கையைக் கழிப்பீங்க. பிள்ளைகள் மற்றும் பேரன் பேத்திகளின் பாசம் உங்களை வெதுவெதுப்பாக வைத்திருக்கும்.

பரிகாரங்கள் 

அனுஷம் நட்சத்திரத்தில் பிறந்த உங்களுக்கு இந்தப் பரிகாரங்களைக் கடைப்பிடிப்பது நல்லது மற்றும் உங்கள் வாழ்வில் நல்ல முன்னேற்றமும் தரும்.

சனி பகவானை (Saturn) வணங்குங்கள். சனிக்கிழமைகளில் நீல நிற ஆடை அணிந்து, எள், அரிசி, கருப்புப் பூக்கள், இரும்பு, எள் எண்ணெய் தீபம் ஏற்றி வழிபடுங்கள். சனி மந்திரமான "ஓம் சம ஸனைஸ்சராய நமஹ" ஜெபிக்கவும். அன்னதானம் செய்வது சனிக்கு மிகவும் பிடிக்கும்.

மகிழ மரத்தை (Magizham / Indian medlar) வணங்குங்கள். மகிழ மரத்தின் அடியில் அமர்ந்து தியானிப்பது, மரத்தை வலம்வருவது, மரத்திற்கு நீர் ஊற்றி வணங்குவது நல்லது. இனிப்புப் பொருள் ஏழைகளுக்கு நிவேதனம் செய்வது நல்லது. இந்த மரம் மித்திரன் மற்றும் சனிக்கு உகந்தது.

மித்திரனை (Mitra – சூரியனின் ஒரு அம்சம்) வணங்குங்கள். நண்பர்களுக்கு உதவுவதும், உறவுகளைப் பேணுவதும் மித்திரனுக்குச் செய்யும் பரிகாரம். போன்போக்கில் ஒரு நண்பருக்கு உதவி செய்யுங்கள். பழைய நட்பைச் சரி செய்யுங்கள்.

உங்கள் ரகசியக் குணத்தை நேர்மறையாகப் பயன்படுத்துங்கள்  பிறர் கூறும் இரகசியங்களைக் காப்பாற்றுங்கள். ஆனால், சொந்த மனதிற்குள் பூட்டி வைக்கும் பாரத்தை, பொருந்திய இடத்தில் (நல்ல நண்பர், குருமார், ஜோதிடர்) கொஞ்சம் கொஞ்சமாக பகிர்ந்து கொள்ளக் கற்றுக்கொள்ளுங்கள்.

முன்கோபம் வரும்போது, "இது நியாயமான கோபமா? இது எனக்கு நெடுங்காலத் தொல்லையைத் தருமா?" என்று 5 நிமிடம் உங்களை நிங்களே கேள்வி கேட்டு பாருங்கள். விருச்சிக ராசியின் கொட்டும் தன்மையை மென்மையாக்க, ஒரு கணிதப் பயிற்சி (numbers, puzzles) செய்யுங்கள்  அது மனதைச் சமநிலைப்படுத்தும்.

முக்கிய குறிப்பு: உங்கள் ஜாதகத்தை ஒரு நல்ல ஜோதிடரிடம் காண்பித்து, சனி, புதன், கேது, சுக்கிரன், சூரியன், சந்திரன் ஆகிய கிரகங்களின் நிலையையும், சனி தோஷம் ஏதேனும் உள்ளதா என்றும் தெரிந்துகொள்ளுங்கள். அப்போதுதான் இந்தப் பொதுவான பலன்கள் உங்களுக்குச் சரியாகப் பொருந்துமா என்று அறிய முடியும்